നീന്താന്‍ പോവാം, വാ..

ഈ ചൂടുകാലത്ത് ഇതിലും സുഖമുള്ള ഒരു സംഭവമില്ല.

പുഴയിലിറങ്ങി അങ്ങ് മദിക്കുക. അത്ര തന്നെ.

ഇത്ര നേരം എന്നില്ല. മതിയാകുംവരെ!!

വള്ളിയില്‍ തൂങ്ങി നേരെ വെള്ളത്തിലേക്ക് ഒരു ചാട്ടം!!

പിന്നെ അക്കരേയ്ക്ക് ഒരു നീന്തല്‍

അപ്പൊ റെഡിയല്ലേ ? ശരി, വേഗം പോയി തോര്‍ത്തും എടുത്തോണ്ട് വാ

സപ്തവര്‍ണ്ണങ്ങളുടെ നിര്‍ദ്ദേശമനുസരിച്ച് ആദ്യത്തെ ഫോട്ടോ ഒന്ന് ക്രോപ്പ് ചെയ്ത് ചേര്‍ത്തതാണ് മുകളില്‍. സപ്തന്‍ പറഞ്ഞ വ്യത്യാസം ഇപ്പോള്‍ മനസ്സിലാകുന്നു.

സോംഗ് ഓഫ് ഹണീബീ

തേനീച്ച മതിമറന്ന് ഉറക്കെ പാടുകയാണ്.

“കും.....................................മ്പളപ്പൂവുകള്‍ പൂത്തു
എന്റെ തങ്കക്കിനാവിന്‍ താഴ്വരയില്‍...”

നാട്ടുവഴി

നാട്ടില്‍ നിന്ന് പുറത്തേക്ക് രാവിലെ എഴേകാലിനും എട്ടരയ്ക്കും ഓരോ ബസ്സ് വന്നുതുടങ്ങിയതിനു ശേഷം ഈ വഴി നടന്നു പോകുന്നവര്‍ വളരെ കുറച്ചേ ഉള്ളൂ.

ബസ്സ് നാട്ടുകാരെ മുഴുവനും കയറ്റി താറിട്ട റോഡു വഴി കുന്നുകയറിയിറങ്ങിപ്പോകുമ്പോള്‍ ഈ നാട്ടുവഴി മാത്രം ബാക്കിയാവുന്നു.

ദിവസം തുടങ്ങുന്നത്.

സൂര്യന്‍ ഉദിച്ചില്ലെങ്കിലും കുഴപ്പമില്ല. പക്ഷേ മലയാളികള്‍ക്ക് രാവിലെ ഒരു ചായയും പത്രവും ഇല്ലാതെ പറ്റുമോ ?

ഡയമണ്ട് നെക്‍ലേസ്.

വിഷുവൊക്കെ അല്ലേ വരുന്നത് .. കൈനീട്ടമായി രത്നക്കല്ലുകള്‍ പതിച്ച ഒരു മാലയായാലോ..?

ആവശ്യമുള്ളവര്‍ പറയൂ ഇനിയും ഒരുപാടുണ്ട് എന്റെ വീട്ടുപറമ്പില്‍..

ചലിക്കാത്ത ചിറകുകള്‍.

ജാലകച്ചില്ലിനപ്പുറം കണ്ടിരുന്ന യന്ത്രപ്പക്ഷിയുടെ ഈ ചിറകുകള്‍ യാത്രയില്‍ ഒരിക്കലും ചലിച്ചിരുന്നില്ല. ഇടയ്ക്ക് ചിറകിലെ ഒന്നു രണ്ട് തൂവലുകള്‍ ഉയര്‍ന്നു താണതൊഴിച്ചാല്‍.

ഒരു രാവും പകലും കഴിഞ്ഞപ്പൊഴേക്കും ഭൂമിയുടെ മറ്റേ അറ്റത്തു നിന്നും ഞാന്‍ ഇങ്ങെത്തിയിരുന്നു.